2024ko ekainaren 17a
Cotswolds ingurua bisitatzeko asmoa geneukan, baina behar genuen trena bertan behera geratu zenez, plana aldatu, eta Bristol eta Bath lotzen dituen ibilbidea egitea bururatu zitzaigun.
Antzinako trenbide baten bidea da, egun oinezko zein txirrindularientzat egokituta dagoena.
Azken orduko erabakia izan zenez, ibilbide okerra jarraitzen hasi ginen —errepide ondotik doana—, baina, azkenean, bide egokia topatu genuen. Hasi eta buka.
Motxilan patata frijitu pakete bat baino ez generaman, txiripaz, Bathera iristean bertan bazkaltzeko asmoa genuelako. Ibilbidea, ordea, espero baino luzeagoa izan zen.
Guztira 26,7 kilometro ibili ginen (5 ordu eta 25 minutu). Ibilbidea atsegina da, eta bidean zehar badago tokiren bat zer edo zer jateko, baina, oro har, dendetatik urruti samar dago.
Bidaia honetako egunik eguzkitsu eta beroena izan zen.
Genbiltzan bitartean inork ez zuen ezer esan nahi, baina izugarrizko jipoia izan zen. Lur jota iritsi ginen Bathera. Bokata bat jan eta trena hartu genuen Bristolera bueltan.
Afaltzeko portu aldeko tokira itzuli ginen. Pizza eta browniea.
Bidaiaren amaiera.
Utzi erantzuna