Pirinioak 2018: uztailak 21

Amore eman dugu. Giroa apur bat freskotuko zela entzun arren gure hasierako asmoak aldatu eta gaur ez gara mendira joan, badaezpada.

Trena hartu eta Girona bisitatzea erabaki dugu. Bidaiak 40 minutu inguru irauten du eta nahiko erosoa da, ez doalako jende larregirik. Gainera, Figuereseko tren geltokiko langileak atseginak dira.

Gironara iritsi bezain laster turismo bulegora abiatu gara. Mapa bat eman digute toki turistikoenekin eta horiek bisitatzeari ekin diogu (kanpotik bakarrik). Niri nahiko gustatu zait.

Campusetik gertu bazkaldu eta arratsaldean El Corte Ingelesera joan gara, hiriaren beste puntan zegoena. Espero baino askoz txikiagoa zen eta ez dugu behar genuena aurkitu.

Trenari geltokian itxaron, Figueresera itzuli, eta Bilbotik zetozen gure beste bi kideekin egin dugu bat hotelean. Afaldu ondoren herria erakutsi diegu eta lotara joan gara.

Bihar berriro jantziko ditugu mendiko botak eta eguraldia bortitzegia ez bada kilometroren bat egingo dugu Alta Ampurdaren inguru hauetan.

Iruzkinik?

This site uses Akismet to reduce spam. Learn how your comment data is processed.